السفير الناصري غير سالات المهمة ديالو استقبلو الرئيس الانتقالي وها أش قال عليه الامام ديكو اللي عندو نفوذ كبير فمالي :

في نهاية مهمته الديبلوماسية ف مالي، استقبل السفير حسن الناصري من طرف الرئيس الانتقالي المالي العقيد عاصمي غويتا، اللي أشاد بالخدمة اللي دار وكلفو باش ينقل رسالة شكر لجلالة الملك.السفير حسن الناصيري دار ليه وزير الخارجية المالي مأدبة عشاء خاصة بصفته عميد السلك الديبلوماسي وتم توشيحو بوسام وطني تكريما لمساره الديبلوماسي ف مالي واللي بداه من يناير 2012. وحضر هاذ المأدبة دبلوماسيين ورجال أعمال ومسؤولين إداريين وأعضاء من المجلس الوطني الانتقالي وصحافيين وعلماء دين والجالية المغربية في مالي.‌الامام ديكو اللي عندو نفوذ كبير ف مالي أشاد بالديبلوماسي المغربي وقال عليه أنه صديق شخصي ليه ومغاديش يرحل عن مالي، “لأنه في قلوبنا مثل جلالة الملك أيضًا”، حسب تقرير صحفي.