تكون شبعان عقد ومشاكل وبلااااااوي سودة خلاوها خوتنا المصريين هانيا ويكون ماضيك وحاضرك كحل نقولو ليك الله يعفو والله يبدل حال بحال… ولايني اللي ما هانياش كااااااااع هو داكشي اللي فيك تسقطوا على الناس زعما أنت فاسد وخارج من الخيمة مايل راه خص البشرية كاملها تكون بحالك.

بنادم خبرة في السلاح وفي الفكر التخريبي ونصاب ولحاس صبابط باش يرشو عليه الناس لفلوس وفوق هادشي كامل عايشين فيلم الهاربون من العدالة من بلاد لبلاد غير كيرونها في قنت وكيديرو صاكي في أكتافي ويدورو يقلبو على شي بلاد تقبل بهم يتخبعو فيها بعيدا عن أنظار العدالة.هاد النوع كتلقاه ديما كيستعمل سياسة أفضل وسيلة للدفاع الهجوووووووووووووووم.. علاش؟؟ حيتاش ببساطة أنت كتحط صبعك على داكشي اللي كيدير وغير كيعرفك عقتي به كيبدا يطيح عليك البق ويبدا يجيش في البشر ضدك زعما راني زربت عليك يلاه … يا أختي كنا جالسين ما بينا ما علينا حتى ناض واحد الثنائي “حاجب ومومني شو” ضلامت الدنيا في عينهم حيتاش قربات ساعتهم وقالو أجي نقصدوا العوينة على الله وعسى نلقاو شي ماء بارد نبردو به جوفنا… إيوا هاد الخوت بانلهم غا حموشي في لبلان وبغاو يديروا داك شغل الضربات الاستباقية زعما نتغداو به قبل ما يتعشا بنا.. حموشي غارق مشاغل ومسؤوليات حتى هاد جوج بانليهم ولا بينوه صحا في باريس هارب في سيارة كونكو ولابس طابلية عاملة في السفارة هههههه وا مي كرشي. وا دبا هاد فرنسا ولات وكالة من غير بواب غا أجي ودخل وخرج السيبة صافي. راك تفرج في أفلام العصابات حتى تشبع وموحااااااااااااااالش واش تكتسب الخيال الواسع لهاد الدرجة. ومن هاد “الميني بار” كنقول ليكم راه سنانكوم يرشاو وداك العظم اللي تكدودو فيه عمرو يتشق. وين الهربة وييييييييييين… وين الهربة وين قولي قولي يا مسكين السموحات السي حاجب راه ما لقيتش شي ردة فعل وحدة أخرى نديرها غير ندندن هاد المقطع من أغنية الشاب خالد. دبا بنادم فاش كتحفا ليه النقشة وكدوخ به الأرض كيعيط على الهربة… وكاع اللي عايش حياة الهربة من بلاد لبلاد ومن قبيلة لقبيلة كيحساب ليه راه كلشي بحالو.زعما باش طيح سنانك في معسكرات التدريب على تنفيذ عمليات انتحارية في أفغانستان ودوز الحبس بتهمة الإرهاب وتخلق حالة من التمرد داخل السجن وفاش تخرج دبر على راسك وتقنع لاليمان أنك معتقل سياسي وملخوك عصا في الحبس، وتحتضنك المخابرات الألمانية أولد العبد خصك تكون إرهابي متمرس من طينة محمد حاجبباش تزوج كاورية اللي أكيد كانت متشبعة بقيم الحرية واحترام الحق في الحياة حتى طحتي عليها بحال الباطل وتقبل بك صعيب بززززززززاف… هاد الخطوة اللي درتي هي عملية بطولية الحقيقة هيا هاديتحية عالية السي حاجب حيتاش ماشي أي واحد يقدر يبيدق لاليمان ويبيع ليهوم سواك ب 1.5 مليون أورو، زعما ها Bonjour ديالك البطل رديتي الاعتبار للسواك البلدي وهادي هيا العود اللي تحكرو يعميك ههههههمع نصاب وإرهابي مش هتقدر تغمض عينيك… أكيد ما يمكن إلا يقدموا لينا شي “حاجب ومومني شو” دايزو لكلام وماشي بعيد كاع يديرو به شي جولة أوروبية. ونزيدوا حنا معاهم كاع في هاد الخيال المشرشم، يقدرو يحصلوا به على جائزة أحسن عرض عدمي عرفو المسرح في السنوات الأخيرة. دبا المشكل العويص هو كاينين ناس عايشين حياة موازية في دماغهم وكيحاولو يقنعو بها راسهم قبل الناس، ماشي مشكل حلم وتمنى وتخشع مع راسك وقصد لقبلة على الله ربي يعطيك ما نويتي في خاطرك ولكن باش تكذب وتفضح راسك في نفس وقت راه هنا خصنا نوقفو شوية ونقولو كيفاش هاد لبلان؟ ياك مشتي لألمانيا بعد قضاء العقوبة الحبسية ديالك؟ وعلاش كتقول لينا دبا هربت بجلدي…اودي بنادم عندو الهروب والأصفاد والقضبان الحديدية في مخو واللاوعي ديالو كيفضحو بلا ما يشعر. وديك الشكايات الموضوعة ضدك بعد ما خرجتي من الحبس خليتها مور ظهرك وهربتي، عفوا بغيت نقول سافرتي لألمانيا ههه زعما غير قبل علينا وما ديرهاش منا قلة الصواب وخلينا نسميوك “هارب من العدالة” وإيلا كانت كتعصبك هاد الجملة انقولك يا هارب يا هارب يا هارب السي “حجاب الله عليك” كتقول لينا من بعد ما دوزتي ديك البركة د الحبس كإرهابي متطرف وخرجتي قررتي تهرب بجلدك نحو ألمانيا قبل لا يتقبط بك البوليس المغربي عاود تاني؟؟؟ علاش زعما أنت دونك من دون الإرهابيين اللي دوزو الحبس ودارو مصالحة مع ذاتهم ومع النص الديني وحتى مع المجتمع؟بزاف ديال الإرهابيين سابقا أعلنوا التوبة النصوح وعاملهم المغرب بمنطق “عفا الله عما سلف” لا لا كنسحب هاد الجملة حيتاش كيقولها واحد التمساح نيتو بئر غارق حتى هو هههههههههلمهم قلنا باللي هاد الناس التائبين اندمجوا في المجتمع ومنهم اللي دوز مسار دراسي متميز في الحبس راك سمعتي الشهادات ديالهم لبارح في واحد الحفل حول برنامج مصالحة. اه نسيت بحالك مكيشوفش هاد البرامج التنموية ولا حتى شافها كضيق عليه صدرو حيتاش كيرتاح وكيزدهر في ظل المشاريع التخريبية.نرجعو لكلامنا، ما عمر شي حد من صحاب التطرف سابقا خرج وقال لينا حتى أنا هربت بجلدي. غا بيناتنا واش بغيتي تقول لينا بطريقة أخرى زعما باقي في كرشك العجينة عليها هربتي بجلدك لجيرمانستان اللي قالت ليك مرحبا بك وبالطريق اللي جابتك، أنا عليا نوفر ليك المال والسكن والإقامة والجنسية كاع وأنت أكتيفي لينا داك مولاي الفكر التخريبي ديالك ا لعفريت ياك ايلا عقلي ينفعني هاد خونا، حاجب سنوات هادي في ألمانيا وكيطل علينا من منفاه الاضطراري في واحد بالكون بعدما قالت ليه لمدام هز عليا كاميرتك وسلوكا ديالك ولتباتش هنا ههههه. بنادم ضوسيه القضائي موسخ وشبعان تطرف ودوز عليه لحبس وباش عاق باللي المجتمع لفظو لأنه أصبح مواطن غير صالح طلب اللجوء في ألمانيا ومشا تماك كيتبكا عليهم “في بلادي ضلموني”… ايلا ألمانيا كتقول الإرهابيين ادخلوها بصباطكم فراه ماشي كاع دول العالم كتساهل مع تريكة الإرهابيين ومن ضمنهم المغرب اللي شاد زمام الأمور مزيان في هاد الجانب ولالاك ألمانيا عارفة هادشي مزيان المغرب وشحال من مرة قال دول أوروبية فيقي معانا شوية راك هدف وشيك لعملية إرهابية.