دميا … تساؤلات البلهاء الميتافيزيقية ?

علااااااش الحموشي ما عرفش شنو غادي يوقع ؟ ياك هو كيفكك الخلايا الإرهابية ؟ ياك هو كيعطي معلومات لإستخبارات دولية ؟علاش ما عرفش شنو غادي يوقع فمعبر مليلية علاااااش ؟!غادي نمشي معاك بالخشيبات أ الأخت و كنتفهم أنه ضروري تجبدي سميت هاد المسؤول لأنه كيهم الناس و كتطلعي المشاهدات على طريق محاولة الضرب فيه و الاستفادة من شعبيته .أولا …كاينة واحد اللعيبة سميتها حقوق اللاجئين …آجي بعدا واش فراسك كاينين لاجئين فالمغرب و لا مفراسكش أ المناضلة؟! لاجئين و طالبي اللجوء ( كيتسناو الجواب على طلبهم ) اللي وصل العدد ديالهم 15755 فسنة 2021، وفقا للإحصائيات الصادرة عن مكتب المفوضية السامية للأمم المتحدة لشؤون اللاجئين بالرباط. اللاجئين ميمكنش المغرب يصيفطهم لبلدانهم اللي هاربين منهم و طالبي اللجوء باقي مدرسش ملفاتهم و بث فيها … إذن كيبقاو على الأراضي المغربية … فهمتي أ مولات حقوق الإنسان و لا نزيد نقريك ؟هادي أولا… إذن الحموشي كمدير عام للمديرية العامة لمراقبة التراب الوطني فراسو أن هناك لاجئين بالأعداد ديالهم و منين جاو و لاش جاو … كيفما فراسو أن مجموعات ديال المهاجرين كاينين حدا الحدود و دايرين مخيمات … مفهوم ؟ نجيو لهاديك الجزئية ديال كيفاش معارفهمش متوجهين نحو الحدود ؟! شكون قالك معرفهومش متوجهين نحو الحدود ؟ عناصر الدرك الملكي و القوات الملكية المغربية علاش تجمعوا تماك و منعوهم يدوزو ؟ الحموشي كيعلم السلطات المختصة مباشرة بعد أن يكون هناك تحرك … اللي هي مكيسبقش الفرح بليلة … و مكيتجاوزش الإختصاصات ديالو!فهمتي أ الأستاذة و لا مفهمتيش ؟و هي دروس مجانية … لمرتزقة الفضاءات اليوتوبية !و الله يقدرنا على فعل الخير و سمحي لينا إلا ثقبنا ليكم الفيلم الإخوة المهاجرين مجموعين فمخيمات في أماكن معينة قرب الحدود … شيء عادي و عادي جدا … و أنتما بريوسكم كتقولو أنهم جايين من بلدان فيهم مشاكل داخلية و حروب بمعنى أن ترحيلهم هو ترحيلهم إلى الموت المحتم و الهلاك ! بمعنى أن تكوينهم لمجموعات قرب الحدود و عدم ترحيلهم من طرف السلطات المغربية يدخل في إطار الإنسانية و القوانين و الإتفاقيات الدولية !#رووولي_أالرفيقة#سلمي_على_الرفيق