لي خاص المغاربة يعرفوه هو أوروبا معمرها بغاتلينا لخير..

لي خاص المغاربة يعرفوه هو أوروبا معمرها بغاتلينا لخير.. و نكونو واضحين تارخيا كل 100 سنة كتنوض روينا مع إسبانيا و سير قرا شويا فمراجع التاريخ و غادي تلقا أن المغرب معمرو كان صديق لأوروبا.. من معركة واد المخازن و أنوال و الكيماوي لي رشو بيه الريف..استراتجيا المغرب بالنسبة للناس لي حاكمين إسبانيا أو أوروبا هو بلد كيشكل تهديد عليهم وبلغة مفهومة أكثر حنا “بلد عدو” إذن خاص ديما يخليو عندك المشاكل و يبقاو يديرو ليك ديما فين تلها بحال مشكل الصحراء و يبقاو ضاغطين عليك باستعمار سبتة و مليلية باش يالله تفكر تدافع على راسك و تعيش معاهم بالتعادل إلى جبتيه..و استراتجيا حنا فالمغرب كيف تيعرف الجميع جينا فواحد المنطقة استراتيجية لي حكمات علينا تاريخيا باش خاصنا نكونو دولة قوية و دولة عندها سيادة ديالها…ولي خاص عدد من المسؤولين يعرفوه هو أنه مستقبلا خاصنا نقويو لبلاد داخليا بكل بساطة حيت ما كاين لي غادي يشوف فيك ولا غادي يفيدك إلى مكنتيش موحد و قوي داخليا كاين غير لي غادي يبغي يستغلك و يديرك تحت السباط و سالا الفيلم.. حيت محكوم علينا فهاد المنطقة دائما نبقاو نلقاو تهديدات وابتزاز و استفزازات لي جا غادي يبغي يدير فينا يديه إلى لقانا تقبات وكلشي عارف لي لقا علامن يحكر را كيحكر هادي خاصية كاينا فالبشر إذن أوروبا معمرها غادي تحتارمك إلى مكنتيش قوي